LAOAG CITY – Pabor ni Police Brigadier General Ferdinand Garay, ti Deputy Regional Director iti PNP-Region 1 iti inlungalong ni Senador Panfilo Lacson a karaman kadagiti mapatawan ti dusa a patay dagiti pulis a mapaneknekan nga agimula ti ebidensya.
Inpetteng na a masapol nga agtrabaho a naimbag dagiti kameng ti pulisya ken saanda nga agimula ti ebidensya kangrunaan na dagiti inosente.
Inbatad na a saan a nainkalintegan a mabalud dagiti awan ti basol na gapu ta namulaan da ti ebidensya.
Mamati ni Garay a no addan man ti kameng ti pulisya nga agimulmula ti ebidensya ket mabilbilang laeng dagitoy.
