LAOAG CITY – Kinumpirmaran ni Polcie Chief Insp. Rodelio Santos, hepe ti PNP Solsona a possible a nakadanunen iti probinsya ti La Union ti maysa a detainee a nakalibas manipud kadagiti uppat a Police escort.
Daytoy ket ni Ireneo Marcos y Battaliones, agtawen ti 35, livestock caretaker, ken residente iti brgy Lagui Sail ditoy siudad ti Laoag.
Kuna ni Santos a saanen nga inquest proceeding ti pannakaipila ti kaso kontra ti nakalibas ken adda pay ti mainayun gapu ti panaglibas na.
Mainaig iti daytoy, immuna nga inbaga ti PNP Provincial Director a oakawanen na da PO2 Benjie Ballesteros, PO1 Hector Garcia, PO1 Michael Edillo Jr. kenni PO1 RyanVerdadero a nagserbi nga escort ti detainee.
Inbatad ni Santos a porsigido da a mangduktal ti lokasyon ni Marcos ken pinasingkedan na a saan da a maibusan ti namnama a mangtiliw iti nakalibas agraman kadagiti sabsabali pay nga operasyon da.
