LAOAG CITY – Nakapartuat dagiti agsuksukisok manipud iti University of the Philippines ti maysa a Point-of-Care Testing (POCT) device a maka-detect ti New Psychoactive Substances (NPS) a mas am-ammo iti awag a designer drugs.
Maus-usar iti urine samples ti E-Tox-NPS para iti preliminary detection ti New Psychoactive Substances kas ti ketamine, synthetic cannabinoids ken synthetic cathinones.
Nadakamat iti nasao nga approach ket sumupsuporta iti public health tapno ma-screen ti baro a psychoactive substances a napateg iti panangisalakan ti biag kadagiti drug-related emergencies.
Basar iti United Nations Office on Drugs and Crime (UNODC), ti Psychotropic Substances ket pangta iti public health.
Nagballaag ti United Nations Office on Drugs and Crime a ti available a New Psychoactive Substances iti merkado ket adda ti kapadana nga epekto iti substance nga adda iti babaen ti international control kas ti cannabis, cocaine, heroin, LSD, ecstasy ken methamphetamine.
