LAOAG CITY – Nangbukel ti Department of the Interior and Local Government wenno DILG ken ti Philippine National Police iti Task Force a mangimbestigar iti pannakaiwaras ti malicious video ni Presidente Ferdinand Marcos Jr.
Ti video ket ti mapapati a drug sniffing ni Presidente Marcos.
Segun ken ni Department of the Interior and Local Government Sec. Benhur Abalos, peke ti nasao a video ken iti agdama ket imbestigaranda no sadino ti naggapuan daytoy ken no siasino ti nangiwaras iti kastoy a video.
Impakdaar ni PBGen. Matthew Baccay, Acting Director for Investigation & Detective Management a sumango iti panaglabsing iti Anti Cybercrime Law spread ken nangibinglay iti video a pakainaigan daytoy iti pannakaibalud.
Kabayatanna, binalakadan ni Abalos dagiti netizens nga agbalinda a kritikal iti aniaman a buybuyaenda iti online ken liklikan ti agiwaras kadagiti deepfake video ken fake news.
