LAOAG CITY – Binalakadan ni DILG Officer Mrs. Janeth Duarte dagiti kakapitan kadagiti naideklaran kas drug cleared barangay ditoy ciudad ti Laoag.
Kuna na a masapol a sustenaren da ti kina-drug cleared barangay da tapno saan da a maisubli kadagiti maibilang a drug affected barangay.
Inlawlawag ni Duarte a saanna a kayat a sawen a no maideklara kas drug cleared barangay ti maysa a barangay ket saanen a monitoren ti PNP ken PDEA.
Innayon ni Duarte a narigat a sustenaren ti kina-drug cleared barangay ngem masapol ti panagkaykaysa ken koorinasyon dagiti opisyal ti barangay ken dagiti residente tapno magun-od da daytoy a kalikagom da.
