LAOAG CITY – Nagkiddaw ni National Bureau of Investigation (NBI) Director Melvin Matibag iti House prosecution panel a maiskedyul ti nasapsapa ti panagtestigona iti impeachment trial ni Vice President Sara Duterte tapno saan a maitantan ti panangusig.
Inbatad ni Matibag a maikeddeng daytoy nga agatendar iti maysa a summit dagiti law enforcement leaders iti Thailand inton Hulio 21 ken 22, isu a nagkiddaw daytoy ti nasapa a panagtestigona.
Segun ken Matibag, personalna nga irepresentar ti National Bureau of Investigation (NBI) iti panagtaripnong a kadwana dagiti Federal Bureau of Investigation ken Royal Thai Police mainaig kadagiti scam ken transnational organized crime iti Asia-Pacific.
Manamnama a mangipaay ni Matibag ti testimonia mainaig ti imbestigasion ti National Bureau of Investigation (NBI) iti maipagarup a panagpangta ni Duterte kontra ken ni Presidente Ferdinand Marcos Jr., First Lady Liza Araneta-Marcos, ken dati a House Speaker Martin Romualdez.
