LAOAG CITY – Nakaalerto amin nga erupuerto iti intero nga Hawaii kangrunaan na iti Honolulu International Airport gapu iti agtultuloy a panagngato ti kaso ti coronavirus a naggapo idiay China.
Daytoy ti report ni Bombo International Correspondent Manny Pascua idiay Hawaii.
Inbatad ni Pascua a nangipatulod ti Hawaii Health Departmen ti Medical advisory kadagiti amin nga Health Care Provider iti intero nga Hawaii tapno ipatungpal da ti naiget a panagan-annad.
Iti agdama, kuna ni Pascua a nasuspenso pay laeng ti direct flight manipod Wahun City, China iti aniaman a major airport idiay Hawaii gapu iti nasao a sakit.
Naibalakad pay kadagiti residente idiay Hawaii ti pananggundaway da ti flu shot kas paset ti precautionary measure.
