LAOAG CITY – Manamnama a mangrugin ti direct flights iti nagbaetan ti Pilipinas ken India.
Segun ken ni Indian Ambassador to the Philippines Shri Harsh Kumar Jain a makitkitana a ngumato pay ti people-to-people contacts iti posible a panangrugin ti direct flights iti nagbaetan ti dua a pagilian kadagiti sumaruno a bulan.
Mainaig iti daytoy, planplanoen ti flag carrier nga Air India ken IndiGo a makaipadanon ti agtultuloy a flights.
Naammoan a ti nasao a panagdur-as ket kageddan ti panangirubuat ti Pilipinas a baro nga addang tapno maipangato pay dagiti turista nga Indian national a bumisbisita ditoy pagilian tapno madanon ti target iti baet ti panagbaba ti Chinese arrivals.
