LAOAG CITY – Inpakaammo ni Mr. Edgar Lao, presidente ti discolandia iti Brgy. 1 ditoy siudad ti Laoag a kimmapsot ti negosyo da ita a Semana Santa.
Kuna na a nu ikompara iti napalabas a tawen ket ad-ado ti customers a nagsangpet ken nangdayo ti discolandia kangrunaan dagiti naggapo iti abroad.
Mainaig iti daytoy, inbunannag ni Lao nga agpanunot iti dadduma nga stratehiya tapno ad-adda a makaallukoy kadagiti customers.
Kabayatanna, immunan nga inrakurak ni Lao a maysa pay kadagiti problema da iti discolandia ket ti panagbayad ti abang iti lote a lugar ti negosya da.
Inbatad na a nakiddaw ti 50% ti total nga abang da a mabayadan nga in-inot kalpasan a nabayadan ti immunan a 50% itay napan a tawen.
Nu pay kasta, kuna na nga arig nga awan pannakaipalubos ti in-inot a panagbayad da gapu ta kanayun nga imandar ti lokal a gobierno ti full payment.
Inbunannag na nga iti sitwasyon ti discolandia iti agdama ket narigat ti mapastrek gapu ta bassit dagiti customers.
Kabayatanna, mangnamnama ni Lao a maaddaan ti gundaway a makipagdayalogo iti mayor tapno masolusyunan ti problema maipapan iti panagbayad ti renta iti daga a nagidissoan ti discolandia.
