LAOAG CITY – Inbatad ni Mr. Virgilio Sison, ti Department of Interior and Local Government (DILG) Provincial Director ditoy probinsya a discretion ti barangay chairman ti panagisyu ti sertipikasyon.
Reaksyon na daytoy mainaig iti saan a panangipaay ni Brgy. Chairman Sammy Aquino iti Brgy. 24 ditoy siudad ti Laoag ti certificate of low income iti kabaragayan na a ni Mr. Macario Sahagun nga agpaspasada iti tricyle.
Inlawlawag ni Sison a no makita ti kapitan a saan a rumbeng a maipaayan ti sertipikasyon ti bumarangay ket rebbeng na laeng a saanna nga ikkan.
Innayon na a no makita met ti bumarangay nga awan ti rason a saan a maikkan ti dawdawaten na a sertipikasyon ket nawaya a mapan agreklamo iti konseho ditoy ciudad.
Inpalgak na a no mapaneknekan nga adda ti linabsing ti kapitan ket mabalin a mapilaan ti kaso administratibo.
Nupay kasta, inpakaammo ni Sison nga awan pay ti nadamdamag na a napilaan ti reklamo gapu iti saan a panagisyu ti kapitan iti sertipikasyon.
