LAOAG CITY – Inlawlawag ni Mrs. Norma Bitagon, Presidente iti Office for Senior Citizens Affairs (OSCA) no kasano a makaala dagiti lolo wenno lola iti 20 a porsyento a diskwento.
Daytoy ket kalpasan nga adda ti naidanon a reklamo iti Bombo Radyo Laoag nga adda ti maysa a senior citizen a saan a naipaayan ti diskwento manipod iti maysa a paggroseryan.
Kuna ni Bitagon a nasken nga ipresentar ti Senior Citizen I.D ken purchase booklet manipod iti OSCA office no mapan gumatang iti grocery wenno farmacia.
Nasken pay a mangitugot iti Birth certificate, reseta no mapan gumatang ti agas iti farmacia.
Inbatad na a dagitoy iti kasapulan tapno makaala dagiti senior citizen iti diskwento kadagiti anyaman a paggatangan.
Innayon na a mabalin pay a ti anak wenno kapamilya ti maysa a senior citizen iti mangipresentar iti ID basta adda ti pammalubos ti mismo nga holder.
Kabayatana, binalakadan ni Bitagon dagiti maseknan a saanda agamak a mapan agreklamo iti opisina da no adda ti problema da.
