LAOAG CITY – Kinumpirmaran ni DJ Mohan Gumatay wenno mas am-ammo kas ni DJ Mo Twister a nagsinadan ti asawa a ni Angelika Schmeing wenno mas am-ammo kas ni Angelicopter.
Immuna nga inbatad ni DJ Mo ti panagsinada idi pay Hunio kagiddan ti anibersario ti kasarda.
Kunana nga arig ket naibasura isuna idi third wedding anniversary-da.
Nangipaay pay daytoy ti nayun a detalye ita nga Hulio ken awanen ti posibilidad pay nga agsinnubliananda.
Inpettengna nga awan ti third party iti panagsinada nga agasawa.
Maipalagip nga idi Hunio 2021 idi nagkallaysa dagiti dua idiay Iceland.
Addaanda ti anak a babai idinto nga adda ti anak a lalaki ni Angelika.
