LAOAG CITY – Nagballaag ti Department of Migrant Workers (DMW) kontra kadagiti scammer nga agpampammarang kas Migrant Workers Secretary Hans Leo Cacdac ken mangididiaya tip eke a trabaho iti abroad iti babaen ti email ken social media.
Iti Facebook post ti ahensya, inburay na ti screenshot ti email manipod iti scammer nga agpampammarang a ni Cacdac ken maipagarop mangipapaay ti update iti maysa nga aspiring overseas Filipino worker (OFW).
Ginutigot ti ahensya ti publiko nga ireport a dagus dagiti mapagduduwaan a job offers ken liklikan ti makikoordinar kadagiti saan a beripikado nga entity.
Binalakadan pay ti ahensya dagiti Overseas Filipino Workers ken job seekers nga i-verify dagiti job opportunities iti official website ken Facebook page da ken makikoordinar iti Public Assistance Desk para iti dagus a pannakaipaay kadakuada ti tulong.
