LAOAG CITY – Nangbukel ti Department of Energy (DOE) ti maysa a joint task force tapno ipatungpal ti plano ti administrasyon nga ikkaten ti system loss charges ken value-added tax (VAT) dagiti bayadan a kuryente dagiti consumer.
Segun iti DOE, ti task force ket bukbuklen ti Energy Regulatory Commission (ERC), National Electrification Administration (NEA), ken dagiti electric cooperative.
Gagem daytoy nga adalen ken isagana dagiti regulasyon ken nailungalong a linteg a kasapulan tapno maipatungpal ti direktiba ni Presidente Ferdinand Marcos Jr.
Maipalagip nga iti maikalima nga State of the Nation Address (SONA), kiniddaw ti presidente iti Kongreso nga amendaran ti Electric Power Industry Reform Act (EPIRA) tapno naan-anay a maikkat ti system loss charges ken ti VAT kadagiti electricity bill.
Inbatd ti DOE a gagem dagitoy a reporma a maipababa ti singir iti kuryente, maprotehiran dagiti consumer, ken mapasayaat ti serbisyo ti sektor ti enerhiya.
