LAOAG CITY – Inpasigurado ti Department of Health (DOH) iti publiko nga imonmonitor ken sagsaganaanna ti aniaman a posibilidad ti hantavirus outbreak.
Inbatad ni Health Spokesperson USec. Albert Domingo a manarimaan ti panangtingiting ti ahensia dagiti laboratorio ken Polymerase Chain Reaction (PCR) machines nga inusar idi COVID-19 pandemic ken kasapulan laeng a sukatan ti primer daytoy.
Kunana a tallo nga institusion iti pagilian ket addaan ti electron microscope a makatulong tapno maduktalan ti virus kabayatan nga iyur-uray ti Polymerase Chain Reaction primer.
Malaksid iti daytoy, manarimaan ti pannakikoordinar ti Department of Health iti Bureau of Quarantine.
Kuna ti Department of Health official, inpadamag ni Bureau of Quarantine Director Roberto Salvador Jr. a direkta a makikokoordinar ti bureau iti counterparts-da iti sabali a pagilian iti babaen ti International Health Regulations.
