LAOAG CITY – Inyetnag ti Department of Health ti Code White Alert sipod idi Abril 13 agingga inton Abril 20 kas panagsagsagana kadagiti posible nga insidente ita a Semana Santa.
Ti Code White Alert ket maipatpatungpal tunggal adda ti dadakkel nga aktibidad wenno national events tapno masigurado a nakasagana dagiti ospital ken medical personnel nangruna kadagiti emergency ken critical care units no ngumato ti bilang dagiti pasiente gapu iti aksidente, pannakadadael wenno epekto ti nabara a panawen.
Inallukoy ni Health Secretary Ted Herbosa ti publiko nga agbalin a naannad iti biahe ken liklikan ti sobra nga init tapno maliklikan ti heat stroke.
Kunana a nakasagana ti Department of Health hospitals tapno tumulong iti serbisio medikal ita a Semana Santa.
