LAOAG CITY – Idagadag ti Department of Health (DOH) ti publiko a kissayan wenno isardeng ti panaginum iti arak.
Daytoy ket kalpasan a nakairekord ti ahensia iti 27,000 a natay mainaig iti arak iti intero a pagilian.
Inlawlawag ni Health Secretary Ted Herbosa nga ibilangna a pangta iti salun-at ti publiko ti panaginum iti arak.
Mainaig iti daytoy, kaaduan kadagiti matmatay ket dagiti drivers a masansan nga uminum iti arak.
Basar iti datos ti Metro Manila Accident Recording and Analysis System ti Metropolitan Manila Development Authority a 12,000 road users ti matamatay iti kada tawen iti Metro Manila gapu iti aksidente ken panagdinnungpar gapu iti panaginum ti arak.
