LAOAG CITY – Nangipaulog ti Department of Health ti pakdaar iti publiko mainaig kadagiti posting nga agsirsirkulo iti online a maipagarup a mangitukon kadagiti peke a Pre-Service Scholarship Programs.
Daytoy ti ballaag ti ahensia kalpasan a naiwaras ti a post advertising ken us-usarenna ti logo ti Department of Health.
Malaksid iti daytoy, nailanad pay ti nasao a post dagiti kasapulan kas iti good moral character, birth ken medical certificate, Brgy. certification ken dadduma pay a kasapulan tapno makastrek iti nasao nga scholarship program.
Iti pananglawlawag ti ahensia, saan nga umawat daytoy kadagiti baro nga eskolar para iti akademiko a tawen 2024-2025.
Idinto a naiyakar ti nasao a Pre-Service Scholarship Program iti Commission on Higher Education (CHED) no sadinno isuda ti addaan iti pagrebbengan a mangipaay iti tulong ken suporta babaen iti nadakamat a programa.
