LAOAG CITY – Nagballaag ti Department of Health (DOH) kontra iti maysa a page a mangus-usar iti nagan ti ahensya para iti promosyon ti agas iti insomnia a maipagarop a peke.
Iti Facebook advisory, inrakurak ti Department of Health a nailanad iti “misleading claims” online a maipagarop a maysa a “nutritional milk” ti agas iti chronic insomnia.
Inpetteng ti Department of Health nga awan ti “instant cure” iti insomnia.
Nupay kasta, kuna ti ahensya a ti healthy habits a suportaran ti pannaturog a nasayaat ti epektibo a makaagas iti sakit.
Nagpalagip pay ti health agency iti publiko nga agannad kontra iti peke nga health claims ken dagiti produkto nga us-usaren dagiti manangallilaw.
