LAOAG CITY – Naka-Code White Alert dagiti ospital ti Department of Health kas panagsagsagana para iti Semana Santa.
Mangrugi ti Code White inton Marso 30 ken agngudo inton Abril 6, maysa nga aldaw kalpasan ti Easter, basar iti rakurak ti Department of Health.
Iti babaen ti Code White, naka-standby kanayon dagiti health emergency team, health commodities ken emergency room dagiti ospital ti Department of Health tapno mangakomodar kadagiti aksidente iti kalsada, pannakasugat ken emergency iti salun-at.
Naka-alerto met dagiti istasion ti transportasion ken sumagmamano nga ahensia ti gobierno para iti Holy Week exodus pakairamanan ti Philippine Ports Authority (PPA) ken Metropolitan Manila Development Authority (MMDA).
