LAOAG CITY – Nakairekord ti Philippine Coast Guard (PCG) ti rinibo a pasahero iti nagduduma a pantalan para iti “Oplan Biyaheng Ayos: Semana Santa 2026”.
Iti report ti Philippine Coastguard, addan ti 18,470 dagiti outbound passengers idinto a 17,101 dagiti inbound passengers.
Adda met ti 3,579 outbound a rolling cargoes ken 4,852 inbound a rolling cargoes.
Kabayatanna, umabot met iti 156 a barko ken 15 a motorbanca ti ininspeksyon ti Philippine Coastguard.
Ti Coast Guard District Southern Tagalog ti nakairekord ti kangatoan a bilang dagiti pasahero nga addaan ti 5,183 outbound ken 5,344 inbound a pasahero iti panawen ti monitoring.
