LAOAG CITY – Nangiruar ti Department of Health (DOH) ti updated guidelines tapno maliklikan dagiti epekto iti salun-at ti nabara a panawen kagiddan ti pammilin ni Presidente Ferdinand Marcos Jr.
Naammoan a dagiti baro a pagalagadan a nailanad iti Department Memorandum No. 2025-0114 nga addaan ti petsa a Marso 7 ket naiparuk-at gapu iti heat index ket manamnama a ngumato iti umas-asideg iti panawen ti kalgaw.
Ibilbilin ti baro a pagannurotan dagiti amin nga yunit ti Department of Health pakairamanan dagiti ospital a pagtalinaeden ti departamento ken pasilidad ti salun-at kas kadagiti sentro ti Bagong Urgent Care and Ambulatory Services (BUCAS) a mangipatungpal ti kangrunaan nga istratehia.
Dagitoy nga istratehia ket nasken a makikoordinar latta kadagiti lokal nga yunit ti gobierno iti babaen kadagiti programa kas ti PuroKalusugan.
Daytoy nga addang ket panangipasigurado a ti panagsagsagana ti health facilities ken staff, panangitandudo ti public health literacy tapno maisuro kadagiti tattao iti panagtalinaed a natalged iti panawen ti kalgaw ken ti panangestablisar ti cooling center kadagiti air-conditioned wenno well-ventilated a dagiti lugar nga asideg kadagiti ruta ti pampubliko a transportasion, pannakaipangpangruna kadagiti vulnerable group kas kadagiti nataengan, babassit nga ubbing, masikog ken dagiti adda ti rangkap ti bagina.
