LAOAG CITY – Ad-adda pay a papigsaen ti Department of Health (DOH) ti public awareness campaign iti leprosy, no sadinno nga inpaganetget ti ahensya ti nasao a sakit ket maagasan ken ti nasapa a pannakaagas ket malapdan ti pannakaiyakar na.
Inlawlawag ti Department of Health a ti leprosy, wenno mabigbig iti Hansen’s disease, ket maagasan ken ti libre ti agas kadagiti health center ti gobierno.
Inpakaammo ti ahensya a dagiti nasapa a sintomas iti sakit a leprosy ket ti panagsugat ti kudil, nerve damage, nerve thickening, panagpukaw ti panagkita, persistent stuffy nose, panagpadara ti agong ken panagbukbok ken nodules iti rupa ken lapayag.
Karaman pay dagiti nasapa a sintomas ket ti painless ulcers, permanente a nerve damage ken physical deformities.
Kabayatanna, inbatad ti Philippine Health Insurance Corporation (PhilHealth), a dagiti miembro da a madiagnosed ti Hansen’s disease ket maipaayan ti financial support iti babaen ti benefit package, nga umabot iti P17,160 para iti panagagas da kadagiti accredited health facilities.
