LAOAG CITY – Sinungbatan ti Department of Health ti naduktalan ti Commission on Audit (COA) maipanggep iti expired ken saan a nausar a Covid-19 vaccines iti warehouse ken health facilities-da.
Inrakurak ti Department of Health a ti Covid-19 vaccination program ket maysa nga emergency action saan a kas ti routine immunization programs.
Inbatad ti Department of Health a kas kadagiti adu a gobierno iti intero a lubong, ti gobierno ti Pilipinas, iti babaen ti Inter-Agency Task Force for the Management of Emerging Infectious Diseases (IATF-EID) ket nagdesision a maaddaan ad-adu a bakuna para iti COVID-19 a mausar para iti amin a Pilipino iti kabiitan a panawen maidasig no awan.
Inaramid ti ahensia ti rakurak kageddan ti rakurak ti Commission on Audit a dinakamatna ti P11 bilyon a balor ti expired drugs ken medicines pakairamanan ti 7,035,161 vials ti Covid-19 vaccines.
