LAOAG CITY – Masdaaw ti Department of Justice (DOJ) no apay agwarwaras ti sayangguseng mainaig ti pannakaaresta ni Senator Ronald Bato dela Rosa.
Segun ken ni DOJ Secretary Eric Vida, imbilin na ti National Bureau of Investigation (NBI) tapno maamoan no ana ti nagrugian daytoy.
Kuna ti sekretario a posible nga agpapansin laeng ti akin aramid wenno adda gandatna a pukawen ti atension ti mangiwarwaras kadaytoy.
Iti agdama, kunana nga awan pay ti update mainaig iti pannakaarestar iti senador no sadinno a naudi a nakita daytoy idi pay laeng Mayo a naglibas iti Senado.
Ni Dela Rosa ket kasapulan a maarestar iti bileg ti warrant manipud iti International Criminal Court (ICC) iti panagbalin a kadwa ni dati a Presidente Rodrigo Duterte iti panangipatungpal ti war on drugs ti administrasion na.
