LAOAG CITY – Inpasigurado ti Department of Justice (DOJ) a bantay sarado dagiti panagbiahe ni dati a Department of Public Works and Highways (DPWH) Secretary Manuel Bonoan.
Daytoy ket kalpasan a nagbiahe a nagturong idiay Estados Unidos tapno kaduaen ti asawana a dumalan iti medical procedure.
Inbatad ni Department of Justice Spokesperson Atty. Polo Martinez, maammoanda ti real time a panagbiahe ni Bonoan no bilang tumalaw daytoy idiay Amerika ken agbiahe iti sabali a pagilian.
Mainaig iti daytoy, inpaiman ti Justice Department iti gobierno ti Amerika ti sangoen ni Bonoan no bilang agdesision daytoy a saan nga agsubli ditoy Pilipinas inton Disiembre 17.
Inlawlawag ni Martinez nga adda latta ti karebbengan ni Bonoan nga agbiahe nangruna ket awan met pay ti sangsangoenna nga aniaman a kaso.
