LAOAG CITY – Awan pay ti inparuk-at a komento wenno aniaman nga impormasion ti Department of Justice (DOJ) iti baet ti napasamak a tension iti Senado.
Iti agdama, ti kaudian a rakurak ti Department of Justice ket mainaig iti maaddaan laeng ti dua a wagas tapno sangoen ti International Criminal Court (ICC) warrant of arrest ni Senador Ronald “Bato” dela Rosa.
Inbatad ni Department of Justice Spokesman Atty. Polo Martinez a daytoy ket ti panagsuko ti maysa nga indibidual iti international court wenno ti extradition a nakaipalaon iti Republic Act No. 9851.
Agtultuloy a salsaludsuden dagiti agirakrakurak ti Department of Justice mainaig iti isyu iti napasamak a shooting incident iti Senado ngem awan ti sungbatna maipanggep iti daytoy.
Basar iti kaudian a rakurak ti nasao nga opisial ket sungbatanda lattan dagiti nasao a saludsod iti umno a panawen.
