LAOAG CITY – Nangbukel ti special panel of prosecutors ti Department of Justice (DOJ) tapno mangiwayat ti komprehensibo a case build-up ken imbestigasion iti napasamak a shooting incident iti Senado.
Inbatad ni Justice Secretary Fredderick Vida a maipaayan ti bileg ti special panel tapno makaiwayat ti patas ken naun-uneg nga imbestigasion kas ti panangiyisyu ti subpoenas.
Inbilin ti Department of Justice ti Philippine National Police (PNP) Pasay, ti Scene of the Crime Operatives (SOCO) ken National Bureau of Investigation (NBI) nga ipreserbar dagiti ebidensia ken isubmitir iti uneg ti 48 nga oras.
Partikular a kalikagum a ma-secured ket dagiti ballistic report, incident reports, communication logs ken dagiti forensic evidence.
Agkiddaw ti Department of Justice iti Office of the Sgt-at-Arms nga isubmitir ti report-da.
Nagpanawagan ni Vida kadagiti nakakita kas ti media nga iburay ti iggemda a picture wenno video footage a mabalin a makatulong iti imbestigasion iti napasamak a pammaltog iti Senado.
