LAOAG CITY – Kinontra ti Department of Justice Prosecutors ti desisyon ti maysa a korte idiay Manila a nangipalubos a makapagpyansa ni dati a Negros Oriental Rep. Arnolfo ‘Arnie’ Teves Jr.
Inbatad ti ahensya a kontra iti addang ti Manila Regional Trial Court Br. 12 iti ‘motion for bail’ ni Teves iti mayssa a sangsangwen na a kaso.
Inpetteng ti prosekusyon a ti nagbalin a ‘ruling’ ti korte iti ‘murder case’ ti dati a kongresista idi 2019 ken saan a makaapektar iti dadduma pay a kaso a naipila kontra kenni Teves.
Kunana a ti kadagsen ti dadduma pay a nakapenpen a kaso ni Teves ket awan ti epekto na wenno saan a mangpakapsot iti daytoy.
Innayon ti DOJ Prosecutors a daytoy ket mangitunda laeng iti pangta iti kinatalged ken seguridad ti publiko.
