LAOAG CITY – Natiliw ti maysa a doktor nga agpapaay iti Mariano Marcos Memorial Hospital and Medical Center iti ciudad ti Batac babaen ti bileg ti warrant of arrest.
Segun kenni Police Lt. Col. Adrian Gayuchan, ti chief of police ti Philippine National Police iti ciudad ti Batac, ti akusado ket agtawwn ti 30, awanan ti asawa, maysa nga ophthalmologist ken residente iti Barangay Callaguip iti nasao a ciudad.
Ti warrant of arrest ket inparuk-at ni Judge Maria Victoria Acidera, ti Acting Presidng Judge ti MCTC iti Pasuquin-Burgos Ilocos Norte ken napetsaan ti Marso 15, 2023 gapo iti Reckless Imprudence Resulting in Multiple Homicide and Damage to Property.
Kuna ni Gayuchan a narekomendaran met daytoy a makapagpyansa ti 60 ribo a pisos para iti pannakawaya-waya na nga isu ti dagus nga inaramid ti legal counsel na.
Mainaig iti daytoy, inbatad ni Gayuchan nga iti napalabas a tawen ket nagpyansa daytoy ngem natabunan ti papel na rason a naisyuan ti baro a warrant of arrest.
