LAOAG CITY – Nalukatan iti korte dagiti dokumento ti Duke of Sussex para iti visa application na iti Estados Unidos.
Basar iti report, dagiti nasao a dokumento ket naedit wenno adda dagiti naikkat a napapateg nga impormasyon.
Nupay kasta, awan ti naiparuk-at a detalye no ania ti inkabil ni Prince Harry iti immigration form na.
Immunan nga inbilin ti Korte iti Estados Unidos a maipublikar dagiti dokumento no Prince Harry maibasar iti
freedom of information a kiddaw ti Heritage Foundation, ti conservative US think tank iti Washington DC.
Ak-akusaran ti nasao a foundation ti prinsipe a nagus-usar ti droga isut gapuna a saan a rumbeng a makaala ti US visa.
Naamoan a dagiti akusasyon ket nakasentro kadagiti claim ti Duke of Sussex iti maysa a memoir-na nga Spare, no sadinno a dinakamat na ti panagusar iti cocaine, marihuana ken psychedelic mushrooms.
Iti libro a naipublikar idi Enero 2023, insurat ni Prince Harry nga immuna a pinadas na ti cocaine idi agtawen ti 17.
Dinakamat na pay nga arigna awan ti epekto iti bagina ti cocaine idinto a ti marijuana ket naidumduma ken dakkel ti naitulong na kenkuana.
