LAOAG CITY – Kiniddaw ni Department of Labor and Employment (DOLE) Secretary Francis Tolentino nga ilawlawag ti korte ken ti dua a kumpanya a nangkontra iti P85 minimum wage increase iti Metro Manila ti rason da iti pannakasuspenso ti wage hike.
Segun ken ni Tolentino, kanayun a ti Department of Labor and Employment ti mapagsalsaludsudan no ania ti ar-aramiden ti ahensya tapno matulungan dagiti mangmangged, ngem saan a ti Readycon Trading and Construction Corp. ken R-II Builders, Inc., a nagpila ti petisyon kontra iti wage increase.
Kiniddaw pay ti ahensya nga ilawlawag ti korte ti legal basis ti temporary restraining order (TRO) ken preliminary injunction a nangpasardeng ti implementasyon ti wage hike.
Maipalagip nga idi Hulyo ita a tawen ket nangiparuk-at ti Pasig Regional Trial Court Branch 152 ti temporary restraining order kontra iti P85 wage increase idinto nga iti napalabas a lawas ket nangiparuk-at met ti daytoy ti preliminary injunction kalpasan a nag-post dagiti petitioner ti P10-bilyong bond.
Inkalintegan ti korte a ti temporaryo a pannakaisardeng ti wage order ket para iti kapintasan na interest ti amin nga stakeholders.
