LAOAG CITY – Nagpalagip ti Department of Labor and Employment (DOLE) kadagiti first-time jobseekers a gundawayan ti libre a panangala dagiti pre-employment documents.
Basar iti Department of Labor and Employment a nasken a saanen nga agbalin a lapped ti kinaawan ti pundo para kadagiti baro a graduate tapno makaala ti kasapulan a dokumento.
Naammoan a pakairamanan ditoy dagiti birth and marriage certificates, transcript of records ken dadduma pay.
Inpetteng pay ti Department of Labor and Employment nga addan ti linteg daytoy a Republic Act (RA) 11261 wenno ti First Time Jobseekers Assistance Act no sadinno a saan nga agsingir ti gobierno kadagiti first time jobseekers kadagiti kasapulanda a dokumento iti panagaplikar.
Maipalagip a nangisayangkat ti agsumbangir a job fair ti Department of Labor and Employment tapno makissayan ti problema iti job miss match wenno ti kinaawan ti trabaho.
