LAOAG CITY – Pormalen a nagsapata kas maika-47 a presidente iti Estados Unidos ni Donald Trump.
Indaulwan ni Chief Justice John Roberts ti panagsapata ni Trump iti uneg ti Capitol Rotunda.
Malaksid iti Abraham Lincoln bible para iti panagsapata ket inusar pay ni Trump ti personal a bibliya na.
Ti nasao a bibliya ket inusar na metlaeng bayat iti umuna a termino na kas presidente idi 2017.
Kalpasan ti panagsapata ni Trump ket nagpaputok ti canyon ti US military kas tradisyon iti panangipaay da ti tribute.
Naiyuswat iti uneg ti Capitol Rotunda ti panagsapata ni Trump gapu iti nakaro a kinalamiis na it ruwar.
Naudi a naiyuswat ti indoor a panagsapata idi panawen ni dati nga US President Ronald Reagan idi 1981.
Sakbay ti panagsapata ni Trump ket nagsapa kas bise presidente na ni JD Vance nga indaulwan ni Supreme Court Justice Brett Kavanaugh.
Nagatendar iti nasao a panagsapata dagiti napili a mangbukel ti gabinete na kasta pay dagiti dati a presidente ti Amerika ken dagiti assawa da.
