LAOAG CITY – Im-imbestigaranen ti Department of Transportation (DOTr) ti reklamo mainaig kadagiti napigis a pasaporte gapu iti saan nga husto a panangiggem dagiti airline personnel.
Inbatad ni Department of Transportation Spokesperson Mon Ilagan, adda ti tallo nga insidente a nakadanon iti opisinada.
Inlawlawagna a kalpasan ti insidente ket nakikoordinaren ni Department of Transportation Secretary Vince Dizon kadagiti airline companies.
Pinalagipan ti sekretario dagitoy a bantayanda dagiti personnel-da.
Inbilinna kadakuada ti naiget a panangbantay kadagiti naimuntar a Close Circuit Television wenno CCTV camera iti lugar.
Kagiddan iti daytoy, binallaaganna dagiti pasahero a nasken nga agbalin a naannadda kadagiti ramit ken dagiti dokumento.
