LAOAG CITY – Masdaaw ni Vice Mayor Rey Carlos Fariñas no apay nga arigna linabsan ti Department of Public Works and Highways-1st Engineering District iti pannakapasilaw ditoy ciudad ti Laoag.
Daytoy ket kalpasan a napasilawan ti nasao nga ahensya iti bypass road.
Inlawlawag na nga addan ti panagsurat da iti Department of Public Works and Highways iti kallabes tapno kiddawen ti pannakapasilaw iti by-pass bridge ngem agpapan ita ket awan pay ti sungbat ti nasao nga ahensya.
Mangnamnama ti bise mayor a mapatgan ti kiddaw ti konseho ditoy ciudad ti Laoag iti kabiitan a panawen tapno maliklikan nga adda dagiti mapasamak a disgrasya gapu iti kinasipnget iti nasao a lugar.
Namonganay daytoy kalpasan nga adda ti maysa a barito a nadisgrasya ken natay iti nasao a rangtay iti kallabes, a ti maitudtudo a maysa kadagiti rason ket gapu iti kinasipnget ti lugar.
