LAOAG CITY – Mangnamnama ni Engr. Glenn Miguel iti Department of Public Works and Highways (DPWH) First District Office a maawatda ti General Appropriation Act list a nakaimalditan dagiti proyekto a maiyimplementar iti daytoy a tawen sakbay pay ti campaign period.
No saan a sumangpet ti nasao a listaan sakbay ti kampaniya ket marigatan da a mangiyimplimentar iti daytoy.
Kunana a masapul da pay nga ipakada iti biang iti Commission on Elections (COMMELEC) tapno maituloy ken mapalubosan a maisayangkat dagiti proyekto.
Iti agdama iyur-uray laengen ti nasao a pangopisinaan ti listaan gapu ta basar iti kaudian nga impormasyon da ket napirmaan daytoyen ni Pres. Ferdinand Marcos Jr.
