LAOAG CITY –Inlawlawag ni District Engineer Glen Miguel Department of Public Works and Highways iti Department of Public Works and Highways (DPWH) First Engineering District a saan a ti Megapolitan ti kontraktor ti nadadael a dike iti Brgy. Gabu Norte ditoy siudad ti Laoag.
Daytoy ket kalpasan a namunganay ti isyu a ti Megapolitan ti rumrummuar a kontraktor ti nasao nga imprastaktura.
Segun kenkuana, dua nga agsupadi a kontraktor ti napusgwan nga agubra iti nasao a proyekto no sadinno sabali ti kontraktor idi tawen 2023 ken sabali met para ita a tawen.
Patien ni Miguel a maysa a kadagiti rason a pannakadadael iti nasao a dike ket gapu iti dredging activity.
Innayonna a no mannarimaan ti dredging iti karayan, ti riverbed na daytoy ket bumaba rason a makarakaran ti pundasion ti dike.
Kabayatanna, inimbitaran ti Sangguniang Panlungsod ditoy siudad ti Laoag ti nasao nga ahensia tapno mangilawlawag ti pannakadadael ti nasao a dike.
