LAOAG CITY – Kitaen ti Department of Public Works and Highways ken ti Ombudsman ti posible a koneksyon dagiti kontraktor nga Curlee ken Sarah Discaya iti CLTG Builders, a kukua ti ama ni Senator Bong Go.
Segun kenni DPWH Secretary Vince Dizon, daytoy ti nagbalin a saritaan da kenni Obudsman Boying Remulla.
Daytoy ket kalpasan met a nagkedked dagiti agasawa a Discaya nga ibutaktak ti detalye iti partnership da iti CLTG.
Inbatad dagiti Discaya nga awan ti ammo da mainaig iti joint venture iti Davao-based firm.
Inlawlawag ni Dizon a nagsarita da kenni Remulla kalpasan nga inrakurak dagiti agsawa a saan dan a makikooperar iti imbestigasyon ti Independent Commission for Infrastructure (ICI) mainaig iti anomalya iti government projects.
Kunana a saan a naragsakan ni Remulla iti panagbabawi dagiti agasawa a Discaya a makitinnulong.
Mainaig iti daytoy, inbatad na nga ita ket kitaen da dagiti dokumento manipud iti dati nga administrasyon nga isu met ti mandato, manipyd 2016 agingga iti 2025.
