LAOAG CITY – Binisita ti pannakabagi ti Regional Office kenni Vice Governor Matthew Marcos Manotoc a napan bimmisita iti San Nicolas – Laoag bypass road a manairamaan a maar-aramid ken ti Ferdinand Edralin Marcos Stadium.
Kinuyog isuda ti Department of Public Works and Highways 1st District nga idadaulwan ni Engr. Glen Miguel.
Segun kenni Miguel, kinita ti bise gobernador ti sitwasyon dagiti proyekto ngem saanna a kayat a sawen a saan a nasayaat ti sitwasyon ti daytoy.
Kunana a kalikagom laeng ni Manotoc a maamoan no kasanon ti kaado ti nalpas iti proyekto.
Daytoy ket gapo ta kalikagom ni Manotoc a naiget ti koordinasyon na iti implementing agency para iti napinpintas a panagprogreso ti probinsia nangruna kadagiti access roads.
Mainaig iti daytoy, inlawlawag met ni Miguel a saan a ti 1st District ti ain-sakop iti proyekto no diket iti Regional Office.
Maipalagip a ti nasao a proyekto ket naibilang a multi-year project ken mangnamnama a mangalay-ay iti nairot a trapiko ditoy ciudad ken iti ili ti San Nicolas.
