LAOAG CITY – Target ti Department of Public Works and Highways (DPWH) a makumpleto ti inspeksion ken audit iti flood control projects iti umuna a kuarter ti 2026.
Inbatad ni Department of Public Works and Highways spokesperson for legal matters USec. Ricardo Bernabe III, agtultuloy ti iwaywayatda a validation ken naiget nga inspeksion ken document audit kadagiti amin nga 416 a proyekto.
Maipalagip a rinugian ti proseso iti panang-validate kadagiti proyekto iti napalabas a tawen kalpasan nga inbutaktak mismo ni Presidente Ferdinand Marcos Jr. dagiti palpak laeng a flood control project kagiddan ti napasaran a nakaro a layos ditoy pagilian idi dimmuprak dagiti napipigsa a bagyo.
Kabayatanna, naiyam-ammo dagiti baro a proseso pakairamanan ti coordinates dagiti proyekto.
Kuna ni Bernabe a ti panagbalbaliw kadagiti coordinates ket kasapulan pay laeng iti panangaprobar ni Department of Public Works and Highways Secretary Vince Dizon.
