LAOAG CITY – Dakkel latta a pukaw para dagiti drayber ti dyip iti sapul da idi kalman gapu ti pannakasuspeno ti klase ken trabaho iti gobyerno seknan pay laeng ti transport strike.
Daytoy ti inbatad ni Mr. Arnold Pudiquet, maysa a drayber ti pampasada a dyip iti ruta a Laoag-Batac-Paoay.
Kuna na nga ingudua ti napukaw iti sapul na idi kalman gapu ta awan ti klase dagiti estudyante kangrunaan dagiti agad-aadal iti Mariano Marcos State University iti siudad ti Batac.
Inbatad ni Pudiquet nga adun dagiti estudyante ken mangopisina ti nasapa nga agbiahe a mapan iti pagadalan ken iti trabaho.
Nupay kasta, awan ti mabalinan ni Pudiquet ti dua nga aldaw a transport strike.
Mainaig iti daytoy, kuna ni Pudiquet a saan na a kabaelan ti gumatang ti moderno a modelo ti dyip no ipatungpal ti gobyerno ti modernization ti dyip.
