LAOAG CITY – Winayawayaanen ti PNP-Bacarra ti driver ti ten wheeler truck a maipagarup a nakadarosdos a tallo a lugan a pakairamanan ti patrol car ti PNP ti nasao nga ili.
Nabigbig daytoy a ni Alfredo Seares agtawen ti 46 years old, naasawaan ken resdiente iti Brgy. Boyboy, Piddig, Ilocos Norte.
Segun ti PNP-Bacarra, kapilitan a winayawayaanda ti nasao a suspek kalpasan a nakaawat da ti pammilin manipud iti piskalya ti probinsiya a mawayawayaan daytoy.
Daytoy ket kalpasan a dagiti biktima ken nagpila da ti affidavit of dessistance kontra iti nasao a suspek kalpasan nga inanugot na patarimaan amin dagiti nadadael.
Imun-una ngem iti daytoy, nagpila ti PNP-Bacarra ti kaso a panagsalungasing ti Art 365 ti Revised Penal Code (Reckless Imprudence Resulting in Damage to Property) kontra ken ni Seares kalpasan nga aksidente a nadarosdos na dagiti naka-parking a lugan iti igid ti national highway, paset ti Brgy. 17 Sto. Cristo, iti ili ti Bacarra.
Maipalagip a naawanan ti preno ti truck bayat nga agpapaabagatan a direksiyon rason a maipagarup a dinarosdos na dagiti nasao a lugan pakairamanan ti lima sidecar ti trisikel a nakapuwesto iti sango ti maysa a metal craft iti nasao nga ili.
