LAOAG CITY – Nagsagaba ti sugat ti driver ti maysa a delivery van kalpasan a naidungpar iti poon ti G-melina iti national highway iti paset ti Barangay Billoca iti ciudad ti Batac.
Ti biktima ket agtawen ti 24, delivery van driver ken residente iti Barangay 22 iti ili ti Sarrat.
Iti imbestigasyon ti Philippine National Police (PNP) iti ciudad ti Batac, kabayatan nga agpapa-abagatan ti van ket nairidep ti driver a nangitunda ti pannakaidungpar na iti poon ti G-melina.
Gapu iti daytoy, nalikkab ken naitayab ti sumagmamano a paset ti nasao a delivery van.
Naamoan a kalpasan a naagasan ti sugat ti biktima ket dagus met laeng a napalubusan a nagawid.
