LAOAG CITY – Simmukon ti driver ti starex van a nakasapgud ti maysa a motorsiklo a nagluganan da Samuel Cimatu kadua na ti asawa na ken ti anak da nga agtawen ti 12 bayat ti kaadda da iti paset ti Bgy. 16 iti ili ti San Nicolas.
Daytoy ti kinumpirmaran ni Police Cpl. Romeo Bartolome, iti PNP Traffic Division iti nasao nga ili.
Nabigbig ti driver ti starex van a ni Mr. Nicole Jay Mamuad y Coloma, agtawen ti 24, baro, tricycle driver ken residente iti Brgy. 8 iti nasao met la nga ili.
Basar iti palawag ni Mamuad, saan na a naripar ti motorsiklo a nagluganan ti nasao a pamilya rason a nasapgud na dagitoy ken naitarayan na.
Kuna na a kalpasan a nangeg na ti interview ti Bombo Radyo Laoag kenni Cimatu ket dagus a simmuko iti PNP.
