LAOAG CITY – Patien ni Mr. Alvin Tinio, subject ti drug buy bust operation idiay Barangay 5 ditoy ciudad ti Laoag a planted dagiti naala a droga dagiti kameng ti PNP-Laoag.
Segun kenni Tino, bayat a matmaturog ket riniing ti akin-kukua ti pagkaseraan na gapo ta adda ti mangbirbirok kenkuana.
Naamoan a dagiti uppat a mangbirbirok kenkuana ket nagpammarang a gumatang ti iligal a droga.
Nakumpiskar dagiti otoridad ti dua a sachet a naglaon ti maipagarop a shabu a naala a mismo iti bulsa ti suspek.
Immuna iti daytoy, inbatad ti maysa a kameng ti PNP-Laoag a kinagat ni Tinio ti maysa a ramay ti ima na kabayatan ti operasyon nga inadmitir met ti suspek.
Kabayatanna, inbatad ti akin-kukua ti pagkaskaseraan ni Tinio a nakita na a mismo ti panangimula ti maysa a pulis kadagiti dua a sachet a naglaon ti maipagarop a shabu.
