LAOAG CITY – Umabot iti maysa a milyon a pisos ti balor dagiti maipagarop a shabu a nagatang iti naiyuswat a drug buy bust operation dagiti kameng ti PNP-Laoag, PDEU, RDEU, PIU iti INPPO ken PDEA-Ilocos Norte iti Barangay 41, Balacad ditoy ciudad ti Laoag.
Nabigbig ti suspek a ni Ronald Melchor y Gonzales, agtawen ti 39, tubo ti ciudad ti Baguio ken residente iti Barangay Pansol, Quezon City.
Kinumpirmaran ni Provincial Director Police Col. Christopher Abrahano a nabayagen a sipsiputan da ken pannakaitransaksyon da iti subject.
Kunana a nakumpiskar iti operasyon dagiti 19 a dadakkel a sachet a nakaipanan dagiti maipagarop a shabu a mapatta-patta nga agdagsen ti kagudwa a kilo ken agbalor ti agarop uppat a milyon a pisos, lima ribo a pisos a buybust money ken 995,000 pesos a boodle money.
Patien ti provincial director nga adda pay ti dakdakkel a net worth ken daytoy ti imbestigaren da a nalaing.Naamoan a ti orihinal a lokasyon ti transaksyon ket iti Barangay Mangato, ngem naiyakar iti Barangay Calayab agingga a natiliw iti aisdeg ti Plaza del Norte a sakop ti Barangay Balacad.
Kabayatanna, kuna ni Melchor a naggapo idiay Quezon City ken umay agtrabaho ditoy probinsya kas karpintero ken nagarkila ti kotse.
Inpetteng na a saan na nga ammo a droga ti bitbit na gapo ta naipatulod laeng kenkuana daytoy iti saan na nga am-ammo nga indibidual.Kunana a saan nga agus-usar ti iligal a droga.
