LAOAG CITY – Maisagsaganan ti kaso a maipila kontra ti drug surenderer kalpasan a natiliw iti drug buy bust operation babaen dagiti otoridad iti Brgy Valdez iti siudad ti Batac.
Binigbig ni Police Supt. Marlon Paiste, hepe ti PNP Batac ti suspek a ni Rayjay Bukirente, agtawen ti 27, maysa a drug surenderer ken residente ti Brgy Ablan iti nasao a siudad.
Kuna na a nakumpiskar ti maysa nga heat sealed plastic sachet a naglaon ti maipagarup a shabu, 500 peso a buybust money ken personal a kuarta.
Malaksid iti daytoy, inbatad ni Paiste a nakumpiskar pay ti big sealed transparent sachet a naglaon ti maipagarup a shabu manipud iti compartment ti motorsiklo na.
Segun kenni Paiste, inbaga ti suspek ket maysa a drug user daytoy bayat ti pannakainterview na idi simmuko ngem naduktalan pay nga aglaklako ti illegal a druga kalpasan a natiliw.
