LAOAG CITY – Sindadaan ni Vice Gov. Matthew Marcos Manotoc a mangsuporta iti aniaman a desision ti Philippine Councilors League wenno PCL Ilocos Norte Chapter no asino ti mangidaulo kadakuada.
Inlawlawagna a daytoy ket agsipud ta ti rumbeng a presidente ti liga iti agdama ket manipud iti maikadua a distrito.
Kunana a napagnunumoan metten dagiti kameng ti liga a ni Sangguniang Panglungsud Member Kichelle Pungtilan iti siudad ti Batac ti mangsukat ken ni Sangguniang Panlungsod Member Jaybee Baquiran.
Iti baet daytoy, inbatadna nga iti agdama ket awan pay ti pinal a desisionda mainaig iti daytoy a banag.
Innayonna nga aniaman a kalikagum dagiti kameng ti nasao a liga ket isu ti maipatungpal.
