LAOAG CITY – Mannarimaan ti pananguray ti drug test result ti suspek ti drug buy bust operation iti ili ti Solsona.
Daytoy ti imbatad ni PCapt. Randy Damo hepe ti Philippine National Police iti ili ti Solsona.
Naammuan a ti suspek ket dati a natiliw babaen ti anti-illegal drug operation.
Innayon ni Damo a ti suspek ket namindua a naiwayatanen ti anti-illegal drug operation basar iti record, ken daytoy ti maikatlo a gundaway a naiwayatan ti suspek a ballaigi met a naarestar.
Impakaammo na a ti umuna a gundaway ket menor de edad pay laeng ti suspek ken nairaman iti panagilako ti marijuana idiay Manila .
Ti maikadwa ket naiwayatan ti search operation ngem naigiddato nga awan isuna iti pagtaengan da.
Kinumpirmaran pay ni Damo a ti suspek ket saan a drug surrenderee ken maibilang laeng a street kevel individual.
Kuna na nga apaman nga itultuloyda ti imbestigasyon ket kitaen da pay no adda pakainaigan na iti napalabas a drug buy bust operation a napasamak idi umuna a lawas daytoy a bulan.
Kabayatanna, inpakaammo ni Damao a mannarimaan met ti proseso ti kaso a maipila iti suspek bayat a maiyur-uray ti resulta ti drusg test na.
